Zein helburu dugu?
-
Hiri eta lurralde politika eraginkorragoak formulatzeko eskuragarri dagoen informaziorik onena bildu, kudeatu, aztertu eta erabiltzea.
-
Udal lurraldearen funtzionamendua aztertzea ingurumenaren, gizartearen eta ekonomiaren ikuspuntutik, eta ezagutza hori tokiko eta eskualdeko plangintza eraginkorragoa egiteko erabiltzea.
-
Hiriko eta lurraldeko agertoki jasangarriago berriak proposatzera eta artikulatzera bideratutako udal plan eta programak indartzea.
-
Hiri eta lurralde jasangarritasunaren arloan herritarren prestakuntza, sentsibilizazioa eta parte-hartzea sustatzea, inplikatutako gizarte eta ekonomia eragile guztien parte-hartzea ziurtatuz.
Zer da CEA?
Hiriaren garapen jasangarrian aurrera egiteko balio diguten diziplina arteko jarduerak garatzen ditugu Ingurugiro Gaietarako Ikastegian (CEA). Zentro sendoa gara, tokian-tokian erabakiak hartzeko ezagutza garrantzitsua elkarrekin ekoiztera bideratua. Ingurumen, gizarte eta etika dimentsioak integraten ditugu, eta hurrengo hamarkadetarako Vitoria-Gasteizko eta Europa osoko ingurumen erronka nagusi gisa aurkezten denari, klima aldaketari eta hiri jasangarriago eta erresilienteago baten bilaketari, hain zuzen, erantzuteko.
Udaleko sailekin eta kanpoko eragileekin elkarlanean lan egitearen aldeko apustua egiten dugu, gure gizartea deskarbonizatzeko eta Europar Batasunak ezarritako jasangarritasun helburuak lortzeko beharrezkoa den aldaketa errazteko eta azkartzeko.
Ingurumen arloko aktibazio programa indartsu bat dugu, eta herritarren ezagutzara, sentsibilizaziora, prestakuntzara eta ekintzara bideratutako jardueren agenda zabala.
CEAren jarduerak hobeto ezagutu nahi badituzu, kontsultatu gure jardueren memoria.
Helburu estrategikoak
Ekipamenduak
-
Salburuko Hezeguneen Interpretazio Zentroak aukera anitz eskaintzen ditu Salburuko parkeko inguruan eta biodibertsitatearen arloan ezagutza, prestakuntza eta esperimentazioa bultzatzeko.
-
Olarizuko Lorategi Botanikoa tokiko, eskualdeko, Europako eta mundu osoko landare biodibertsitatea kontserbatu, zabaldu eta balioesteko plataforma bat da.
-
Urarteko baratzeak, hiriko gainerako baratzeekin batera, baratzezaintza ekologikoa garatzeko tokiak dira, banakoek zein irabazi asmorik gabeko erakundeek baliatu ditzaketenak.
Gardentasun ataria
Gardentasun atari honek Ingurugiro Gaietarako Ikastegiaren jardueren informazio guztia eskaintzen du: estatutuak, langileen zerrenda, ordainsariak, aurrekontuak, memoriak...