Eskolako Agenda 2030

Gasteizko Haur, Lehen eta Bigarren Hezkuntzako ikastetxeei dago irekita programa hau. Ingurune bidezkoago, jasangarriago eta parte-hartzaileago baten alde elkarlanean lan egin nahi dutenei dago zuzenduta.

Jarri harremanetan Eusko Jaurlaritzako Berritzegunearekin edo Vitoria-Gasteizko Udaleko Ingurugiro Gaietarako Ikastegiarekin (CEA).

Eskolako Agenda 2030 Vitoria-Gasteizko Tokiko Agenda 2030ean dago kokatuta. CEAk eta Berritzeguneak aholkularitza emango dizue eta prozesu osoan zehar lagunduko dizue.

Parte hartzean, ikastetxeak aholkularitza pedagogikoa (Berritzegunearen bidez), prestakuntza eta hezkuntza baliabideak jasoko ditu. Beste ikastetxe batzuekin batera egingo duzue lan, ikasturte bakoitzerako hautatuko den gaiaren udal diagnostikoan. Gainera, eskola arteko topaguneetan eta Udal Eskola Foroan parte hartu ahal izango duzue. Foroan, beste ikastetxe batzuekin eta alkatea buru duen udal ordezkaritzarekin batera, hausnarketa eta proposamenerako gune bat osatuko da.

Ikastetxe bakoitzak bi ikasturtetan egiten du lan: lehenengoan, hautatutako GJH bati lotutako ingurune errealitatea diagnostikatzen da, eta bigarrenean, ekintza zehatzak garatzen dira ikastetxearen barruan zein kanpoan, udalarekin lankidetzan.

Zuen proposamenak Udalari helarazi ahal izango dizkiozue, udalerri jasangarriagoa eraikitzeko partaidetza-prozesu esanguratsu eta garrantzitsu baten bidez.

Proiektuaren orrian aurreko urteetan egin ditugun lanak kontsultatu ditzakezua.

Eskolako Agenda 2030ean parte hartzea, eraldatzeko heztea da. Kontsultatu eskola jasangarriagoa lortzeko egin beharreko urratsak.