Herritarren zientzia

Hartu parte CEAren Herritarren Zientziako Programan!

Natura gustatzen al zaizu? Natur ingurunea ezagutzen eta babesten lagunduko al zenuke? Vitoria-Gasteizko Herritarren Zientziako Programan parte hartzera gonbidatzen zaitugu. Gure udalerriko ingurumena behatzen, aztertzen eta hobetzen aktiboki lagundu nahi duten pertsona guztiei irekitako ekimena da.

Herritarren zientziari esker, edozein pertsonak, bere prestakuntza edozein izanda ere, proiektu zientifikoetan har dezake parte, biodibertsitatearen kudeaketa hobetzen laguntzen duten datuak eta behaketak eskuratzeko. Parte hartzen baduzu, zuzenean lagunduko duzu natur ondarea hobeto kudeatzeko behar den ezagutza eskuratzen, aldaketak hautematen eta erabaki informatuak hartzen.

Nola hartu dezakezu parte?

Parte hartzea oso erraza da. Aktibo dauden programetako batean integratu zaitezke, adibidez hegaztiak, tximeletak, libelulak edo lurzoruaren kalitatea analizatzeko programetan, besteak beste. Jakinmina, ikasteko gogoa eta denbora besterik ez duzu behar. Oinarrizko prestakuntza, laguntza materialak eta tresna digitalak emango dizkizugu, zure behaketak erregistratu ahal izateko.

Programetako batekin bat egin nahi baduzu edo informazio gehiago izan nahi baduzu, idatzi cienciaciudadana@vitoria-gasteiz.org helbidera.

Ezagutu, ikasi eta jardun. Egin zientzia!