Olarizun parke ludikoa egiteko proiekturako lehiaketa onetsi da, pinudian ororentzako jolasgune bat jartzeko, tirolinekin

Kontratazio-dosierraren aurrekontua 120.000 eurokoa da: pinudia adin orotako pertsonentzako hornitutako jolasgunea bihurtzea da asmoa, zuhaitzez zuhaitz “hegan egiterik” izan dadin. Jolas-, kirol- eta turismo-jarduera izango da, haurrei nahiz helduei zuzendua. Kontratuaren iraupena 36 hilabetekoa izango da, luzatzeko aukerarekin.

Udal gobernuak Olarizu Euskadiko parke botaniko handiena bihurtzeko asmoa du. Abentura guneaz eta sarrera eta informazio bulegoaz gain, Etxaldearen mendebaldean “antzoki berde” bat eta harmaila begetal batzuk jartzea aurreikusi da, jendeak belar gainean eseri eta etzaterik izan dezan.

Bestetik, dagoeneko amaitu da Adurtzatik gertu dagoen aintzira gurutzatzeko egurrezko pasabide bat instalatzeko proiektua.