Lermandako leheneratze proiektuaren itxiera
Proiektua Vitoria-Gasteizko udalerriko mendebaldean eraberritze ekologiko eta paisajistikoa gauzatzeko estrategia baten baitan dago. 'Mendebaldea' deitutako estrategia horren xede nagusia da Zadorra ibaiaren, Badaiako mendilerroaren eta Gasteizko mendien arteko konexio ekologikoak sendotzea, Eraztun Berdearen ereduari jarraiki. Azpiegitura berde horren sorrerak onura anitz izango ditu: klima aldaketa arintzea, biodibertsitateari laguntzea, eta inguruko azpiegiturek (A-1 autobidea, Jundizko industrialdea) nekazaritza eta natur lurretan duten inpaktua murriztea.
Proiektuak Eusko Jaurlaritzaren diru laguntza izan zuen garapen jasangarria sustatzen duten ekintzetarako 2015eko deialdian.
