Eraztun Berdeko parkeetan zentzu bakarrean soilik ibili ahal izango da pandemia garaian

Udalak Eraztun Berdeko parkeak erabiltzeko azalpen-planoak zabaldu ditu distantzia sozialari eta osasunari buruzko gomendioak zainduz. Plano berriak parkeetako sarreretako paneletan jarri dira.

Salburua, Zabalgana, Armentia, Olarizu, Zadorra, Abetxuko, Neveras eta Gamarra dira aldi baterako planoetan jasotzen diren parkeak.

Pandemiak irauten duen salbuespen aldian, Eraztun Berdeko parkeetan zentzu bakarrean ibili ahal izango da, maparen geziek adierazitakoan, ibiltariek elkar topo egin dezaten saihesteko eta urruntze soziala bermatzeko.