Tona bat CO2 isurketa aurreztu dira udal langileentzako bizikleta elektrikoen mailegu zerbitzua abian jarri zenetik
2021eko abenduan 8.150 km egin ziren Gasteizko Udalaren bizikleta elektrikoen erabilerarekin, hau da, tona bat CO2 isurketa aurreztu dira.
San Martingo bulegoetako udal-langileentzako bizikleta elektrikoen zerbitzua 2020ko otsailean hasi zen martxan, eta San Martin eraikineko langileei alternatiba jasangarri bat eskaintzen die udal-automobil-flotaren aurrean, laneko joan-etorrien beharrizanei erantzun ahal izateko.
SmartEnCity proiektu europarraren diruari esker, Gasteizko Udalak, Ingurugiro Gaietarako Ikastegiaren bitartez, bizikleta elektrikoak maileguan uzteko estazio automatizatu bat jarri zuen martxan udal langileentzat, esperientzia pilotu moduan. Ordutik, 69 erabiltzailek eman dute alta zerbitzuan.
Langileen lankidetzari esker, probetan zehar sortu diren gorabeherak identifikatu eta zerbitzua hobetu ahal izan da.