Vitoria-Gasteiz Parisko Akordioan parte hartzen ari da

Parisko Akordioaren betetze maila egiaztatzeko, herrialde sinatzaileek beren borondatez aurkezten dituzte NDCak, eta bi urtez behin idazten den gardentasun txosten baten bidez ebaluatzen da.

Egungo NDCen betetze data 2030. urtea da, baina herrialdeak lanean ari dira jada helburutzat 2035eko data duten NDC berrietan.

Parisko Akordioaren barruan onartutako azterketa zikloa 2024ko txostenen berrikuspenarekin hasi berri da. 2025ean globalki aztertuko dira txosten horiek, Belemgo (Brasil) COP topaketa azken mugarri gisa hartuta. Gure kasuan, CEAk Nazio Batuen Klima Aldaketarako Esparru Konbentzioaren (UNFCCC) egoitzan parte hartu zuen, maiatzaren 26tik 31ra, Argentina eta Azerbaijanen bi urtez behingo gardentasun txostenen berrikuspen zentralizatuan.