Ingurugiro Gaietarako Ikastegiak inkesta bat osatuko du Gasteizko bizikleta eta patinen erabiltzaileen profila hobeto ezagutzeko

Apirilaren 19an, ostirala, hasiko da bizikleten eta mugikortasun pertsonaleko ibilgailuen erabiltzaileak karakterizatzeko inkesta baten landa-lana. Lan horrek 3 aste iraungo du. Inkesta horiek bizikleten eta patinen zirkulazioa eta aparkalekua erregistratzen den kaleetan egingo dira.

Aurretik, 2023an, beste azterlan bat egin zen oraingo inkestan galdekatu beharreko kolektiboa dimentsionatzeko. Orduan bildutako datuek ibilgailu mota horien erabiltzaileen profil orokorra ezagutzea ahalbidetu zuten, baina kolektibo bakoitzean askorik sakondu gabe. Orain, CEAk lagina handitzeko beharra planteatu du, talde bakoitzean fokua jarriz. Guztira, bizikleta erabiltzen duten 300 pertsonari eta MPIa erabiltzen duten 100 pertsonari egingo zaie inkesta. Inkestak kalean egingo direnez, laginketa-gune desberdinak sortuko dira auzo bakoitzean, auzoaren populazio-pisua kontuan hartuta. Inkestak lurraldearen aniztasuna kontuan hartuta banatzea da helburua, auzo bakoitzaren tamainaren arabera.