Eskoletako patioak naturalizatzea

Hezkuntza komunitateen partaidetza aktiboarekin eta hezkidetzaren, inklusioaren eta iraunkortasunaren ikuspegiak txertatuta, patioen naturalizazioak aukera ematen die ikastetxeei biodibertsitatea irabazteko, klima aldaketaren ondorioetara egokitzeko eta hezkuntza jardunerako baliabideak sortzeko.

Hauek dira helburu zehatzak:

• Eskola patioak naturan oinarritutako konponbideak baliatuz eraldatzea klima aldaketara egokitzeko, klima politiken eta azpiegitura berdearen estrategiaren testuinguruan.
• Espazio inklusiboagoak sortzea.
• Aukera espazioak sortzea Gasteiz Hiri Hezitzailea programaren testuinguruan hezkuntza proiektu integralak egiteko.
• Gizarte kohesioa hobetzea, ekintza komunitarioko eta sozialerako eta herritarren partaidetza sustatzeko proiektuen bidez.

Esku-hartzeak

• Gainazalen eraldaketa: zoladura iragazgaitzen ordez gainazal drainatzaileak eta/edo lorategi itxurakoak jartzea.
• Topografia aldatzea: lurrarekin bolumenak eta gainak sortzea.
• Landaketak eta ereiteak: ingurunera egokitutako landare multzoak sortzea, belarrak, zuhaixkak eta zuhaitzak sartuz.
• Landareontziak instalatzea, horietan lurra sartzeko landaretzaren euskarri gisa.
• Ureztatzeko eta urak biltzeko sareak behar berrietara egokitzea eta aldatzea.
• Haur jolasak eta kirol pistak espazio eskema berrira egokitzea eta aldatzea.
• Nitxo ekologiko berriak sortu eta sustatuko dituzten elementuak instalatzea, hala nola urmael txikiak, hegazti edo saguzarrentzako habia kutxak, intsektu hotelak, hegaztientzako janlekuak, etab.

Proiektuaren webguneak informazio gehiago du arlo honetan aurreikusitako jardueren inguruan.