Zarauna errekaren landaredia leheneratu da hiriaren mendebaldeko tartean

CEAk jadanik bukatu ditu Zarauna erreka leheneratzeko lanak. Erreka hau Armentiako basotik dator Gasteizera, eta Mariturri eta Aldaia auzoak zeharkatzen ditu Ehari errekarekin bat egin eta Ehari herrian sartu baino lehen.

Lanen helburua Zaraunaren ubideko natura jatorriz zegoen antzera uztea izan da. Ibaiertzeko baso gunea birsortu da errekak tarte honetan duen luzera osoan, eta horretarako toki mota horiek modu naturalean betetzen dituzten landare espezieak landatu dira: haltzadi-zumardia ubideko uraren eragina duen ertzean, eta erkamezti subkantaurriara lurzoruko uraren eragina desagertzen den tokietan.