Zadorra Ibaiko Ibaiondo sektorean ekologia eta paisaia egokitzapenerako eta publikoaren erabilerarako moldatzeko proiektu bat abian jarriko da

Vitoria-Gasteizen Zadorra ibaiaren ingurumen-egokitzapena eta egokitzapen hidraulikoa egiteko jardueren artean, urte honetan ibaiko ingurunea lehengoratu eta aisialdirako eremu berde bat sortu nahi da Ibaiondo auzoko alboko zatian.

Zadorrako Hiribideak eta ibaiaren ezkerreko aldeak mugatzen dute jarduera-eremua. Proiektuetan dauden obren ondorioz legez kontrako 74 baratze kenduko dira eta hondakin solidoen isurketek kaltetutako eremuak lehengoratuko dira. Bestalde, tarte horretan jarraipena eman nahi zaio Zadorratik paraleloki doan Eraztun Berdearen ibilbideari, Ibaiondora datozen bidegorriekin eta hiriko oinezkoen bidexkekin lotuz.