Zabaldu da aisialdiko baratzezaintza ekologikoen ikastaroetarako izena emateko epea

Aurreko urteetan bezala, CEAk helduentzako aisialdiko baratzezaintza ekologikoko programa bat jarriko du abian. Programari hasiera emateko, lantegi bat antolatu da Urarteko baratzeetan eta Olarizuko baratzeetan. 'Baratze ekologikoa: Zure topalekua' izeneko lantegi horrek 40 ordu iraungo du eta maiatzetik ekainera bitartean gauzatuko da.

Ikastaroa bukatutakoan, nahi duten parte-hartzaileek Eraztun berdeko baratzeetan lur sail baten erabilera lagatzea eskatu ahal izango dute, bertan baratzezaintza ekologikoan aritzeko. Lagapena urtebetekoa da eta urtez urte luzatu ahal izango da, 4 urte bete arte (gehienezkoa hori baita).