Vitoria-Gasteizko Mugikortasun Iraunkorraren Europako Astearen ekitaldi nagusiak Aldabe kalearen itxiera eta gauez egingo den bizikleta martxa bat izango dira
> http://www.vitoria-gasteiz.org/mugikortasunastea
Gazsteizko Udalak Mugikortasun Iraunkorraren Europako Astearen hamaseigarren edizioa aurkeztu du. Irailaren 12a eta 22a artean hainbat jarduera egingo dira hirian, "Energia mugimenduan" lelopean. Aurten Koroatze auzoa izango da protagonista nagusia: herritarrei erakutsiko zaie nola aldatuko den auzoa SmartEnCity proiektuaren garapenari esker espazio publikoan eta mugikortasunean izango diren aldaketen bidez. Herritarrek aldaketa horiek beren kabuz esperimentatu ahal izango dituzte astean zehar.
"Mugi Aldabe" da ekitaldi nagusiaren izena. Aldabe kalea, auzoaren erdigunean dagoena, oinezkoentzat utziko da irailaren 17aren goizean. Ohiko automobilak eta zirkulazioa kendu eta jardueren egitarau oparoa egingo da bertan 11:00 eta 14:30 artean. Informazio erakustoki bat instalatuko da kalean, SmartEnCity birgaitze proiektuaren erakusketa batekin, auzokideek proiektuak ekarriko dituen aldaketak ezagutu ditzaten. Herritarrek haiek baloratu ahal izango ditu eta beren proposamen propioak ere egin ahal izango dituze bertan.
