Vitoria-Gasteizko Eraztun Berdea EXPO CITIES ekimenean

EXPO CITIES ekimenak (Gasteizko Udalak parte hartzen du), hainbat erakusketa espazioren bidez, hiriaren ezaugarriak erakutsi nahi dizkie gasteiztarrei, hirigintzaren, ingurumenaren eta kultura ondarearen aldetik. Eraztun berdeari eskainitako atal bat du ekimenak.

Gasteizen maketa handi bat du, hiria inguratzen duen eraztun berdearekin. Maketan, eraztun berdearen proiektu osoa islatzen da: orain arte egin diren ekimenak, espazio finkatuak, aurreikusitako ekimenak eta etorkizunean hiriaren inguruko eraztun berdea osatuko duten espazioak. Era berean, gaur egun eraztun berdea osatzen duten parkeei buruzko informazio osagarria ematen digute.

"Bikaintasunerantz doazen hiriak" erakusketa espazioa otsailaren 9a bitarte izango dugu, Montehermoso kulturunean.