Vitoria-Gasteizko Aire Kalitatearen Kudeaketarako Planaren Aitzinapena

Berriki Vitoria-Gasteizko Aire Kalitatearen Kudeaketarako Planaren Aitzinapena aurkeztu da. Udalaren Ingurumen Arloak sustaturiko ekimen honen bidez, Gasteizko gizarte osoari egungo problematika ezagutarazi nahi zaio eta, aldi berean, etorkizunean gerta daitezkeen defizitak nabarmendu nahi dira, sakoneko eztabaida publiko baten ondoren, udalak aire osasuntsu eta garbi baten alde bete beharko dituen zereginak bilduko dituen behin-betiko dokumentu bat presta dezan.

Planak kutsadura atmosferikoaren ingurumen eta giza problematika ikuspuntu globaletik aztertu nahi du, kutsaduraren maila talderik zaurgarrienen osasunari kalterik egingo ez dion mailaren azpitik murriztuko duten neurriak topatu ahal izateko.