Vitoria-Gasteiz, giza eskalako hiria' liburua argitaratu du CEAk
CEAren argitalpenak errepasoa egin die azken 20 urteetan Udalak sustatu dituen esku-hartze nagusiei, eta bere helburua da azpiegitura berdearen eta mugikortasunaren alorreko ekintza horiek biltzea eta Gasteizko herritarrek zein beste erakunde eta esparru batzuetako pertsonek ezagutu ditzaten. Ekintza horietako asko hiri biziegokitasuneko praktika ontzat hartu izan dira nazioartean. Hartara, beste hiri eta udalerri batzuetan aplikatu ahal izango dituzte NBEk ezarri dituen Garapen Jasangarrirako Helburuak (GJE) betetzeko bidean aurrera egiteko.
Mugikortasunaren esparruan, adibidez, kaleak oinezkoentzako bihurtzeko eta bizikleta sustatzeko politikak, garraio publikoaren berregituratzea eta lehen superetxadiaren egokitzea azaldu dira. Azpiegitura berdeari dagokionez, Eraztun Berdearen sorrera eta zenbait auzo eta espaziotan gauzatu diren naturalizazio proiektuak deskribatu dira, adibidez nola bertako landaredia sartu den berriro zenbait tokitan, edo nola instalatu diren drainatze jasangarriko sistemak.
Egindako lanak laburbiltzeaz gain, argitalpenak etorkizunerako lan lerroak eta proiektuak aurkeztu ditu. Horiek jarraituta, xedea da hiriak bere “giza eskala” berreskuratu dezan eta jasangarritasun erreferente izaten jarraitu dezan.
Argitalpena euskaraz, ingelesez eta gaztelaniaz sortu da, nahi duen orok erabili ahal dezan.
Argitalpena 3 hizkuntzetan:
> www.vitoria-gasteiz.org/ciudadaescalahumana