Vitoria-Gasteiz, European Green Capital 2012

2012ko Europako Hiriburu Berdea izanik, Vitoria-Gasteiz hiria 5º CONAMA LOCAL topaketaren Batzorde Zientifikoarekin harremanetan jarri zen eta jasangarritasunarekin konpromisoa duen gure hiriaren garapenerantz aurrera egiteko orduan garrantzi handikotzat jotzen diren zenbait gairi buruzko hausnarketa kualifikatua egiteko lana agindu zion.

Batzorde hori osatzen zuten adituen ekarpenen emaitza "Vitoria-Gasteiz, European Green Capital 2012. Hausnarketarako proposamenak " izeneko txosten hau izan zen. Bertan, José Fariñak XXI. mendeko berdeguneen funtzioari buruzko hausnarketa egin zuen, Ramón Folchek eta Elisa Linaresek hiriko energia-erronkei heldu zieten, Antonio Serranok Araba erdialdeko lurralde-ingurunean balizko Biosfera Erreserba bat eratzeko aukerak aztertu zituen eta, azkenik, Fernando Pratsek eta Jorge Ozcarizek hiritik egungo krisi globala gainditzeko beharrezkoa den ziklo-aldaketa dinamizatzeko funtsezko ildo nagusiak definitu zituzten.