Urarteko baratzeetako zenbait pertsona boluntariok Asiako liztorra Arabatik ezabatzeko programa batean hartu dute parte

Asiako liztorra (Vespa velutina) espezie inbaditzaile bat da, Araban lehen aldiz 2012. urtean antzeman zena. Gure eskualdean oraindik ez du harrapari naturalik, baina zenbait ikerketatan behatu dute zapelatz liztorjaleak espezie horretako aleak jaten dituela.

2018an zenbait abisu bidali zitzaien suhiltzaileei Urarteko instalazioetan Asiako liztorraren habiak aurkitu zirelako. Habia horiek kendu egin ziren.

Aurten, habia berriak sor daitezen saihesteko, liztorrei tranpak jarri zaizkie, Aldundiaren eta “La cuadrilla de la huerta” taldeko boluntarioen laguntzarekin. Urarteko 5 tokitan substantzia erakargarri batez hornitutako tranpak ipini dira, martxoaren hasieratik maiatzaren erdialdera arte, eta astero errebisatu dira, harrapatutako erreginak kontrolatzeko. Guztira Asiako liztorraren 10 erregina harrapatu dira eta, beraz, 10 habia berri sortzea galarazi da.