Udalak tinko jarraitzen du Gasteiz mendien alde

CEAk, Hirigintza Sailak eta Nekazaritza Eremuaren Zerbitzuaren artean osatutako txostenaren arabera, bi proiektuek ingurumen eragin nabarmenak izango lituzkete Gasteizko Mendietako izatekoa den parke naturalean, bai eta beste natur espazio batzuen, eta linearen inguruko nekazaritza herrietako paisaia, habitat eta bertako interesdun espezie batzuen gainean (horietako batzuk, gainera, lehentasunezkoak dira).

Patxi Lazcoz alkateak azaldu duenez, "proiektu horien eragina handia izan daiteke, ingurumen zein hirigintza arrazoiengatik. Gure jarrera, betiere, Gasteizko Mendiak babestearen aldekoa izango da. Beraz, tramitazioan alde interesdun gisa sar gaitzan eskatuko diogu Gaztela eta Leongo Gobernuari; horrez gain, jendaurreko informazio tramitean alegazioak aurkezteko aukera ere badugu.".