Txori zezen arrunta lehen aldiz ikusi da Salburuako hezeguneetan

Txori zezen arrunta (Botaurus stellaris), Europa osoan iraungitzeko mehatxu larriena pairatzen duen koartza da. Topatu zen aleari, eme heldu bat, eraztuna jarri zitzaion bere migrazio mugimenduei buruz zerbait gehiago ikasi ahal izateko, eta berehala askatu egin zen. Iberiar Penintsula osoan hankaluze honen bikoteak 30 baino gutxiago direla kalkulatu da, izan ere oso eskakizun zorrotzak baititu bizilekutzat hartzen dituen hezeguneak aukeratzeko orduan. Salburuan agertu izanak hezegune hauen ingurumen aberastasun handiaren beste adierazle bat da, eta hori dela eta, Ramsar Hitzarmenean Nazioarteko Garrantzizko Gunetzat hartu dira.