SUNCINEk, Ingurumeneko Zinemaren Nazioarteko Jaialdiak, 21. edizioa egingo du Gasteizen
SUNCINE, Ingurumeneko Zinemaren Nazioarteko Jaialdiaren Erakusketa, 21. ediziora iritsi da Vitoria-Gasteizen eta publiko guztientzako ingurumen arloko zinemarekin lotutako mundu mailako erreferente gisa sendotu da.
Erakusketak planetak ingurumen, sozioekonomia eta kultura arloetan bizi duen egoerari buruzko gerturatze errealista, konprometitua eta kritikoa ekarriko du Arabako hiriburura eta martxoaren 4tik 20ra bitarte egingo da Aldabe gizarte-etxean.
Aurten, zortzi dokumental eskainiko dira, sei saiotan banatuta. Jaialdiak Genero-begiradak izeneko saila du, eta emakumeek zuzendutako eta/edo protagonizatutako filmak biltzen ditu. Aurten ikusgai izango direnak dira Semilla de sal y pimienta, Memorias de un mar eta Respira mama.
Emanaldiak Aldabe gizarte-etxean egingo dituzte martxoaren 4tik 20ra bitarte 19:00etan, eta sarrera librea izango da tokia bete arte.