Salburuak hezeguneen sistema osatzen duen urmael berri bat du

Udazkeneko euriteen ondorioz, Salburuko maila freatikoa igotzen ari da eta, ondorioz, Betoño eta Arkauteko urmaelen artean dagoen Duranzarrako urmaela betetzen hasi da. 4,5 hektarea inguruko azalera duelarik, baltsa berria Vitoria-Gasteizko Udalak eta Ingurumen Ministeritzak Salburuko Parkeko hezeguneak leheneratu eta berreskuratzeko sinatu zuten hitzarmenaren emaitza da.

Ontzia hondeatzeaz gain, zenbait bide egokitzeko lanak egin dira eta urmaela zeharkatzen duen pasabide bat eraiki da. Era berean, negu honetan zehar inguruetako lurretan landare espezie desberdinen landaketak egingo dira.