Natura oparoa' erakusketa

Erakusketa hau Jaengo Diputazioak antolatu du, Vitoria-Gasteizko Udalarekin elkarlanean, eta Cazorla, Segura eta Las Villas mendilerroetako Natur Parke zoragarria ezagutzeko aukera emango digu. Erakusketak lau atal dauzka: erroak, enborrak, adarrak eta fruituak, naturgune zabal eta berezi horretako geologia, hidrologia, botanika, fauna eta etnografian zeharreko ibilbidea osatzen dutenak.

Erakusketa Espacio Ciudad aretoan egongo da zabalik (San Prudencio kalea, 30) maiatzaren 7tik ekainaren 10era bitartean, asteartetik larunbatera goizez eta arratsaldez eta, igandean, goizez bakarrik.