Albistea
Mugikortasun inkesta ikasleei: nola doaz eskolara eta nola nahi dute joan?
CEAk inkesta bat egin du 2013. urteko apirilaren eta 2014ko urtarrilaren artean bizikletaz seguru ibiltzen ikasteko ikastaroak egin zituzten 497 ikasleren artean. Ikasleak 10 eta 15 urte artekoak ziren, 10 ikastetxetakoak.
Inkestaren ondorio nagusiak honako hauek dira. Ikasleen mugikortasun ezaugarrien ingurukoak:
- Joan-etorrien % 46 oinez eta bizikletaz egiten dira (bizikletaz % 7).
- Ikastetxe bakoitzaren ezaugarriak oso garrantzitsuak dira mugikortasun moduaren hautuan. Esaterako, Olabideko ikasleen % 67 autobusez doa, eta Odón de Apraizen, berriz, % 77 oinez doa.
- Familien % 50 ikastetxetik oinez 20 minutu baino gutxiagora bizi da.
- Ikasleen % 56 helduen laguntzarik gabe doa eskolara.
Bizikletaren erabilerari dagokionez:
- Ikasleen % 63k bizikletaz mugitzeko interesa du.
- Ikasleen % 95ak bizikleta dauka.
- Ikasleen % 77k bizikleta erabili nahi du eta % 50ak dagoeneko egiten du.
- Ikasleen artean bizikletaren erailera handitzeko gehien aipatu diren 5 proposamenak honakoak dira:
- Ibilbide erraz eta segurua ezagutzea: % 80
- Etxean aparkaleku segurua edukitzea: % 70
- Hirian bizikletaz ibiltzen ikasteko ikastaroa egitea: % 66
- Eskolan aparkaleku segurua edukitzea: % 65
- Taldean eta beste lagun batzuekin joatea: % 59
Ikastaroen garapenari dagokionez:
- Ikastaroari emandako puntuazioa 8,4koa da (10etik).
- Ikasleen % 84ak dio bizikleta probatuko dutela ikastaroa egin ondoren.
