Magialdiko XXVII. Edizioaren ikuskizunetako bat Atarian egingo da

Aurten ere Vitoria-Gasteiz magiaren hiriburu bihurtuko da Magialdia jaialdiari esker. Zazpi egunez, irailaren 14tik 20ra, 75 ikuskizun inguru antolatuko dira hirian, eta ilusioa sortzen espezialistak diren 30 magok baino gehiagok hartuko dute parte.

Aurtengo edizioan jaialdiaren antolatzaileak Salburuko hezeguneen interpretazio zentroa den Atariraino ere hurbilduko dira, "Ecomagia" izeneko ikuskizuna eskaintzeko. Irailaren 20an izango da ikuskizuna, igandean, eta sarrera doakoa izango da.