Lurzoruen leheneratzeari buruzko udako ikastaroa (uztailak 13 eta 14), Olarizu Etxaldean

Uztailaren 13 eta 14an jardunaldi profesional bat egingo da, Vitoria-Gasteizko Olarizuko etxaldean, lurzoru leheneratzearen eta ekonomia zirkularraren inguruan. Ikastaroaren izenburua "Nuevas tendencias en restauración de suelos degradados: cultivos energéticos y fitogestión en un modelo de Economía Circular" da eta UPV/EHUren 2017 Udako Campusaren eskaintzaren barruan dago. Ikastaroak Europa osoko adituen presentzia izango du (Erresuma Batukoak, Frantziakoak, Belgikakoak), alor horretako azken joeren berri emateko. Bigarren eguneko arratsaldean bisita teknikoak egingo dira exekutatzen ari diren zenbait proiektu ikusteko.

Antolakuntzan PhytoSUDOE Proiektua dago eta baita Ingurugiro Gaietarako Ikastegia ere, CEA Green Lab ekimenaren bitartez.