Lekuko deserosoak', Vitoria-Gasteizko Udalak argitaratu duen eta ingurumen gaiak jorratzen dituen komikia

"Lekuko deserosoak" komikiak lagun talde batek udako gau batean kostaldera egiten duen bidaia bat kontatzen du; zoriz, abentura honek kontrabandoko istorio batekin bat egiten du. Azkenean, kontrabandoa arrain tropikalena dela ikusten da. Iniziazioko bidaia honen bitartez, gazteek askatasuna, adiskidetasuna, erantzukizuna, etab. ezagutuko dituzte; azken finean, gure egungo gizartean ahaztuxe dauden balioak topatuko dituzte.

Komiki honen argitalpena Vitoria-gasteizko Udaleko Euskara Zerbitzuaren ekimena da. Komikia ingurumenaren aldeko istorio baten inguruan eraiki nahi izan zenez, gidoilaria izan zen Patxi Zubizarretak Ingurugiro Gaietarako Ikastegiaren laguntza izan zuen.