Landare autoktonoak sustatzeko eta hedatzeko 2009-2010 kanpainaren balantzea

Joan zen martxoaren 18an amaitu zen landare autoktonoak sustatzeko eta hedatzeko kanpaina, urtero Olarizuko baratzeetako baso mintegian egiten dena. Kanpainak erantzun oso ona jaso du, ez soilik Gasteizko biztanleen aldetik, baita inguruko eta eskualdeko pertsonen aldetik ere, asko bertan ekoizten diren espezieei buruz galdetzera hurbildu baitira mintegira.

Urtarrilaren 11tik martxoaren 18ra 184 eskari jaso dira landare autoktonoak eskuratzeko, eta guztira 12.106ale banatu dira, bai oihaneztatzeetarako bai beste gune batzuk (lorategiak, etab.) apaintzeko.