Kafe-berriketaldiak eta urtebetetze naturalak: Atariaren bi jarduera berri

Gure seme-alabekin eta haien lagunekin urtebetetze oso naturalak ospatzeko aukera izango dugu, edo kafetxo bat dastatu ahal izango dugu berriketaldi modura aurkeztuko diren gaien inguruan gure iritzia ematen dugun bitartean.

Lehen aukeran, haurrek haien urtebetetzea egin ahal izango dute Atarian hilabete bakoitzeko hirugarren larunbatean, eta begirale baten laguntzarekin hainbat ingurumen jarduera egingo dituzte Atariko toki ezberdinetan. Bigarren aukerari dagokionez, kafetegia denon topagune bihurtuko da, gizarte interesa duten gaien inguruan -"elikadura ekologikoa", "Banka etikoa", "Emakumeen ekintzailetza nekazaritza eremuan"- hitz egin ahal dezagun.