Jende ugari hurbildu da 'Txapelez betetako basoa' izeneko erakusketara

2002ko azaroaren 17ra arte Olarizuko Etxaldean jarrita dagoen onddoei buruzko erakusketak 2.000 bisitari baino gehiago izan zituen urriaren 20an. Egun horretan bisitariek ikusi ahal izan zuten aurreko egunean erakusketaren osagarri gisa bildu ziren perretxikoen multzo handi bat (170 espezie inguru).

Perretxiko zaletasunak ikaragarrizko hazkundea izan duen denboraldi honetan, erakusketak izadian topa daitekeen onddo aniztasun handia eta beren usain, zapore eta forma desberdinen ugaritasuna erakutsi du.