Ingurumenari lotutako prestakuntza eta ikerketarako CEAk sortu dituen beken deialdia ebatzi da

Unibertsitate mailako 7 bekadun egongo dira guztira CEAn. Vitoria-Gasteizko udalerriko lurraldean ingurumena kontserbatu eta hobetzera zuzendutako hainbat gai landuko dituzte bekadunek beren ikerketa eta proiektuetan.

Hautatze prozesuaren emaitzak, bai eta beka deialdiaren gainerako informazio guztia ere, www.vitoria-gasteiz.org/hautatzeprozesuak webgunean daude kontsultagai.

Aurkeztu diren 260 eskatzaileetatik hautatuak izan diren 7 pertsonek honako gai hauek izango dituzte langaitzat: paisaia, azpiegitura berdea, nekazaritza eta abeltzaintza, klima aldaketa, eta ingurumen hezkuntza eta herritarren parte-hartzea. Beken xedea da ekintza lerro horien inguruko udal estrategiak sendotzea.

Bekek 12 hilabete iraungo dute, 2017ko maiatzean hasita. Ondoren, bekaren epea beste urte batez luzatu ahal izango da.