Ingurumenaren biografiak' erakusketa

Erakusketa honek Asiako hainbat herrialdetako testigantzak jaso ditu. 17 hormirudiren bitartez, hainbat lagunek beren ingurumenean bizi izan dituzten aldaketen deskribapena egin nahi izan da, beren esperientzien eta bizipenen biografia beste modu batean eratuz.

Erakusketaren egile diren Andrew Rickardek eta Eider Huertasek Garapen Iraunkorraren aldeko Hezkuntzaren Nazio Batuen Hamarkada sustatzeko egitasmoen testuinguruan kokatu dute proiektu hau. Bi egileek Asiako 13 herrialdetan barrena bidaiatu zuten 2006ko martxotik abendura arte.

Erakusketa 2008ko apirilaren 17tik maiatzaren 18ra egongo da zabalik, Olarizuko etxaldeko erakustaretoan.