Ingurugiro Gaietarako Ikastegiak hitzarmen bat sinatu du Madrileko Unibertsitate Politeknikoko TRANSyT Garraioei buruzko Ikerkuntza Zentroarekin, bizikleta mugikortasunarekin lotuta
Hitzarmenaren barruan, TRANSBICI proiekturako datuak bildu eta aztertzeko aurreikusita dauden jardueretan Gasteiz hiria kontuan izateko konpromisoa hartu du TRANSyT-UPM zentroak. Bestetik, hirian datuak eskuratzeko kanpainetan lortutako informazio iturriak Gasteizi emateko konpromisoa ere hartu du bere gain TRANSyT-UPM zentroak, eta iturri horiek analizatzeko irizpideak zein TRANSBICI proiektuko jardueretatik atera daitezkeen emaitza zientifikoak partekatzekoa.
Horren ordainetan, Udalak azterlanerako interesgarri izan daitekeen informazio oro emateko konpromisoa hartu du, duela gutxi mugikortasunari buruz egindako azken inkestan lortutako datuak, esate baterako.
Proiektuan ari diren ikertzaileak hiru unibertsitate zentrokoak dira, bakoitzak ikerketa helburu ezberdinak izan arren osagarriak direnak. Batetik, garraioaren plangintza, analisia eta ekonomia eta, bestetik, geografiaren psikologia soziala bezalako gaiak bateratzen dituzte.
Proiektua 2013ko amaierarako bukatzea aurreikusi da.
