Industrialdeen Mugikortasun Plana

2008an Gasteizek Mugikortasun Jasangarriaren eta Espazio Publikoaren Plana onartu zuen, eta horrek gure hiriko mugikortasuna onerako aldatu zuen, eta jasangarriago bihurtu. Hamar urte pasatxoan aurrerabide nabarmenak egin ziren mugikortasunaren arrazionalizazioaren bidean: urritu egin zen ibilgailu pribatuen erabilera, handitu bizikletaz eginiko joan-etorrien kopurua, eta sendotu garraio publikoaren erabilera.

2018an Plan hori eguneratu zen, 2025era arte luzatuz ekintzak. Besteak beste, Planak erakusten du hiriak artean konpondu gabe duen erronka handietako bat lanera joan eta bertatik itzultzeari lotutako mugikortasuna dela, batetik mugikortasun errepikaria delako, bestetik mugikortasun motorduna delako hein handi batean. Planaren inguruan egindako azterlanetatik ondorioztatzen da lan mugikortasuna ez dela aldatu Planaren jardute aldian zehar. Izan ere, 2019an egindako mugikortasunari buruzko inkestaren datuek erakusten dute lanerako joan-etorrian % 52 ibilgailu pribatuan egiten direla; gainera, gerta liteke balio hori handitzea pandemiaren ondorioz. Ildo horretatik, mugikortasun horri alternatiba funtzionalak planteatzeko premia azpimarratzen da Planaren aurrerapenean, hain zuzen ere 13. jarduera ildoan, 7. helburu estrategikoaren baitan.

Horrenbestez, Gasteizen laneko mugikortasuna aldatzeko beharrak eraman du Udala Gasteizko Industrialdeetarako Mugikortasun Plana (IMP) garatzera. Plan horrek 1.500 hektarea baino gehiagori eragiten dio, 2.500 enpresa baino gehiagori, eta egunero industrialde horietara joaten diren 37.000 pertsona baino gehiagori.

Mugikortasun Planaren aurrerapenaren oinarrian dauden printzipio gidarien arabera, IMPren helburua ezaugarri hauek izango dituen laneko mugikortasun-sistema sortzea da:

• Osasuntsuagoa:
  • Istripu gutxiago norberaren bizilekutik lantokira joan eta bertatik itzultzeko joan-etorrietan.
  • Lantokia oinez edo bizikletaz joateko joeraren sustapena.
  • Lanerako garraioari loturiko estresa murriztea.
• Lehiakorragoa:
  • Lanera joan eta bertatik itzultzeari lotutako kostuen murrizpena.
  • Enpresen logistika berreskuratzen laguntzen du.
• Unibertsala:
  • Alternatibak proposatzea ibilgailu pribatuari, lan merkatuaren unibertsalizazioa lortzeko.
• Iraunkorragoa:
  • Kutsadura gutxiago.
  • Energia iturri ez berriztagarrien erabilera urriagoa.
  • Espazio publikoaren erabilera urriagoa laneko mugikortasunean.