Imanol Zabaleta Altuna, Ingurugiro Gaietarako Ikastegiko zuzendari berria

Ingurugiro Gaietarako Ikastegiaren kontseiluak zuzendari berria ezagutu zuen urriaren 16an. Hura arduratuko da ildo estrategikoak ezartzeaz ingurumen politiketan nazioarteko erreferentzia den zentroaren etapa berrian.

Imanol Zabaleta Altunak (Gasteiz, 1988) datozen urteetarako ildo estrategikoen proposamena aurkeztu zuen, IGIko lehendakari Ana Oregirekin batera. Nekazaritzako ingeniaria da, eta aditua hiri ingurunearen kudeaketa eta teknologian zein natur baliabideen kudeaketan; halaber, esperientzia egiaztatua du ikerketa proiektuen koordinazioan, hainbat herrialdetan.

Gorka Urtaran alkateak ongietorria eman dio zuzendari berriari, eta izendapena txalotu du, “hiriak atzerrian ikasi duen profesional gasteiztar baten talentua berreskuratzen duelako, zeinak jakinduria, irizpidea eta proiektu argia baititu IGIaren etapa berrirako”.