Albistea
Ikastetxeetarako joan-etorrietan mugikortasun aktibo eta autonomoa sustatzeko jardueretarako diru-laguntza deialdia
Betebehar hauek betetzen dituzten ikastetxeek eta ikastetxe horietako ikasleen guraso elkarteek eskuratu ahal izango dute diru-laguntza:
- Gasteizko udalerrian egotea.
- 2014-2015 ikasturtean, ikastetxeetarako joan-etorrietan mugikortasun aktibo eta autonomoa sustatzeko proiektua egitea edo egiten aritzea.
-
2014-2015 ikasturtean jarduera horiek egiteak gastuak ekarri izana -facturen bitartez egiaztatu daitezkeenak-, mugikortasun aktibo eta autonomoaren sustapenari estu-estu lotuak. Honako hauek joko dira sustapen horrekin zerikusia duten gastutzat:
- 2014-2015 ikasturtean ikastetxeetarako joan-etorrietan mugikortasun aktibo eta autonomoa sustatzeari buruzko ikastaro, hitzaldi eta lantegiak antolatzea.
- Oinezkoen eta txirrindularien mugikortasuna sustatzearekin zuzenean lotutako lanak egitea. Adibidez: Bizikletentzako aparkaleku seguruak jartzea edo gehitzea.
- Ikastetxeetarako joan-etorrietan mugikortasun aktibo eta autonomoa sustatzearekin zuzenean lotutako komunikazio kanpainak egitea.
- Bizikletak erostea, diru-laguntza eskatzen duen erakundea titular deneko lantokian lan egiten duten langileei uzteko.
- Ikastetxeetara joateko bide seguruen proiektua garatzea: pedibusak, bizibusak, bideak seinaleztatzea...
- IGIko teknikarien iritziz horien parekotzat jo daitezkeen bestelako gastuak.
- Behar diren argibideak eman beharko dituzte ikastetxeek, beharrezkotzat jotzen bada IGIko langileek aurkeztu diren fakturak eta diruz lagundutako proiektuetan gauzatutakoak bat datozela egiaztatzerik izan dezaten.
- Ikastetxeek eskabide bakarra aurkeztu ahal dute, dela ikastetxearen izenean, dela bertako gurasoen elkartearen izenean.