HIESaren aurkako Arabako Batzordeak kudeaturiko abegi-etxeen erabiltzaileek Eraztun Berdea garbitzen lagundu dute

Iragan abuztuan, HIESaren aurkako Arabako Batzordeak kudeaturiko presoentzako abegi-etxeetako 20 erabiltzailek ingurumenarekiko konpromiso-jardueraren 3. edizioan hartu zuten parte. Bi taldetan banatuta, Eraztun Berdeko parkeetako ibilbide eta txoko guztiak ibili zituzten lanegun guztietan, bertan barreiaturiko denetariko zaborrak eta hondakinak jasotzen, batez ere parkeetako txokorik urrunenetakoak. 5.000 kg hiri-hondakin solido, 1.000 kg zur eta 400 kg pneumatiko jaso zituzten. Hemendik gure eskerrik beroena helarazi nahi diegu parte hartu duten guztiei.