Hegaztien Mundu Egunaren 2009ko ospakizunaren balantzea

Hegaztien Mundu Egunaren jarduerek pertsona mordo polita bildu zuten urriaren 4an Salburuko hezeguneetan. Aurten Salburuko hezeguneen interpretazio zentroa (Ataria) ireki denez, parte-hartzea handiagoa izan da eta 3.000 pertsonara hurbildu dira.

Berrikuntza modura, aurtengoan bizikleta bidezko ibilbide ornitologiko bat antolatu da eta "Magionetas" talde gasteiztarraren magia ikuskizun bat egin da. Ikuskizunean hegaztien eta hezeguneen kontserbazioari lotutako mezuak eman ziren haurrentzat.