Gasteiz eta Arabari buruzko hiru ibilbide-gida

CEAk eta Arabako Foru Aldundiak sinatu duten hitzarmen bati esker, Gasteiz eta Arabari buruzko hiru ibilbide-gida, lehendik erakunde bakoitzak bere kabuz argitaratuak, batera argitaratu ahal izan dira oraingoan.

'Bizikleta ibilaldiak Araban' eta 'Donejakue bidea Araban' gidak, Arabako Foru Aldundiak plazaratuak, eta 'Ibilaldiak Eraztun Berdean zehar' gida, Ingurugiro Gaietarako Ikastegiak argitaratua, kutxa batean bildu dira, zeina liburu-dendetan 20 euroan salduko baita. Guztietan datu praktikoak, plano zehatzak, ibilbideen deskribapena, kultura, natura eta paisaiarekin lotutako alderdi jakingarriak... eskaintzen dira.