Familiako nekazaritza ekologikoari buruzko kongresua, urrian Vitoria-Gasteizen
Nekazaritza Ekologikoko Espainiar Elkarteak (SEAE) kongresu bat egiten du bi urtetik behin nekazaritza ekologikoari lotutako gaiak eztabaidatu eta partekatzeko. Kongresu horretan elkarrizketetarako esparru berezia osatzen da, ekoizpen ekologikoko kateko eragileek ideia berritzaileak jasotzeko baliatzen dutena.
2014an kongresua Gasteizen egingo da Udalaren, Aldundiaren eta Jaurlaritzaren laguntzarekin. Bai Gasteizen zein Araba osoan herritarren arteko mugimendu garrantzitsua ari da sortzen merkaturatze zirkuitu laburrak erabiltzen dituen tokiko elikaduraren eta elikadura ekologikoaren alde. Araban handitzen ari da ekoizpen ekologikoa, batez ere hiriburuan sortzen ari den eskariari esker. Arabako eta EAEko nekazaritza, eta ekologikoa batez ere, familiako nekazaritzaren eredukoa da, herriak eta kultura bizirik mantentzen duena. Familiako Nekazaritzaren Nazioarteko Urtean ekoizteko modu hori eta landaguneak bizirik mantentzeko bide hori sendotu nahi ditugu.