Erkametzen landaketa 'Adopta ezazu zuhaitz bat eta haz zaitez berarekin' kanpainaren baitan

Beste urte batez, CEAk "Adopta ezazu zuhaitz bat eta haz zaitez berarekin" izeneko kanpaina jarri du abian. Kanpaina honek bi helburu ditu: alde batetik, Eraztun Berdeko basoak leheneratzea, eta bestetik, lursail pribatuen birlandatze eta apaintzean bertako landareen erabilera sustatzea.

Kanpainaren XII. edizioa abenduaren 18an hasi zen. Egun horretan 2.000 ale banatu ziren Plaza Berrian jarritako karpa batean. Bigarren fasean nahi duen orok Zabalganera eraman ahal izango du bere zuhaitza, han landatu, ureztatu eta ongarritzeko. Landaketa hau martxoaren 15ean (igandea) izango da, goizeko 11ak eta arratsaldeko ordu 2ak artean. Jardunaldi hau alaitzeko, haurrentzako jarduerak antolatuko dira eta askari txiki bat eta oroigarri bat emango zaio ekitaldian parte hartzen duenari.

Informazio gehiago: 945 162 696.