Eraztun Berdeko Bira egokitzeko lanek aurrera darraite

CEAk proiektu bat jarri du abian Zubigarai eta Errekaleor kaleak lotuko dituen bide bat sortzeko. Bide hau Oreitiasoloko industrialdearen atzealdean egun dagoen zidorra egokituz egingo da.

Proiektua Vitoria-Gasteizko Eraztun Berdearen bira osatzera zuzendutako jarduera sortaren barruan dago. Lan hau Eraztun Berdearen erabilera publikoa hobetzera zuzenduta dago, eta bere xede nagusia Olarizuko parkearen eta etorkizunean Errekaleor errekaren inguruan sortuko den parkearen arteko konektagarritasuna erraztea da. Obrek hiru aste iraungo dute, lana abiatzeko akta sinatzen den unetik hasita.