Eraztun Berdeko bazterrak: Zabalganako parkea

Hiriaren eta Jundiz artean kokaturik dagoen Zabalganako parkeak, ikasleek bertako ingurumen alderdi desberdinak ikas ditzaten zuzenduriko hezkuntz azpiegitura berezia du.

Besteak beste, bertan gaikako geldialdiak deritzen guneez osaturiko hezkuntz ibilbide bat prestatu da, geldialdi bakoitzean gai bat tratatzen delarik. Argazkian ageri den hau Zabalganako erkameztian dago, eta bere xedea basoko hegaztientzako habi kutxek duten garrantzia erakustea eta, oro har, fauna ekosistema honetan nola integratzen den aztertzea da.