Eraztun Berdearen 8. BTT Biraren balantzea

Atzo Gasteizen Eraztun Berdearen 8. BTT Bira egin zen. Taldea Ataritik irten zen goizeko 9:30ean eta toki berera itzuli zen eguerdiko 13:00etan. Jarduerak arrakasta handia izan zuen, 300 lagunek parte hartu baitzuten zirkutuaren 31 kilometroak eginez.

Ibilaldia leku hauetatik igaro zen: Salburua, Zubigarai, Olarizu, Gardelegi, Lasarte, Armentia, Zabalgana (bertan 20-30 minutu inguruko geldialdia egin zen, jan-edanak hartzeko), Gobeu, Atxa, Abetxuku, Gamarra, Eskalmendi eta Dulantzi ibaia. Azkenik, Atarira iritsi ziren, eta bertan zenbait opari zozketatu ziren parte-hartzaileen artean.

Jardueraren helburu nagusia oraindik osatzen ari den Eraztun Berdea bizikletaz ezagutzea da, parte-hartzaileek Arabako hiriburuaren altxor naturala den horren ikuspegi orokorra izan dezaten.