Eraztun Berdearen 10. Bizikleta Biran izena emateko epea ireki da
Hamargarren urtea da Bira hau antolatu dutela CEAk eta Udalaren Kirol Sailak, Eraztun Berdeak eskaintzen dituen aisialdiko azpiegiturak baliatuz.
Bira uztailaren 20an izango da, eta goizeko 09:30ean hasiko da Atarian. Hasteko Salburuko parkea bisitatuko da, eta ondoren Olarizura eta hiriaren hegoaldera joango da txirrindularien multzoa, gero Armentiako parkera, Zabalganeko parkera eta Zadorra ibaiaren ertza ikusiko dira, berriro Atarira iristeko.
Bi anoa emango dira eta hainbat opari zozkatuko dira. Izena emateko kuota 3 eurokoa da.
Izena emateko epea uztailaren 7an hasi zen eta 17an amaituko da. Izena emateko, aski da gizarte etxe hauetako batera joatea: Aldabe, Pilar, Hegoalde, Ibaiondo, Iparralde, Judimendi edo Lakua.
