Dibertsitate Biologikoaren Mundu Eguna

Nazio Batuen Batzar Nagusiak maiatzaren 22a ezarri du Dibertsitate Biologikoaren Mundu Eguna ospatzeko egun gisa. Egun honen xedea gizateriarentzako hil ala bizikoa den esparru honi lotutako kontuen inguruko ulermena eta sentsibilizazioa handitzea da. Aurten egun honen gaia "klima aldaketa eta dibertsitate biologikoa" da.

Gai honi lotutako zenbait ekimen martxan jarri direla aprobetxatuz, CEAk jarduera egitarau zabal batean parte hartu zuen egun hori ospatzeko. Besteak beste, ondoko ekintzak egin ziren:

• UICN (Natura Kontserbatzeko Nazioarteko Batasuna) erakundeko biodibertsitate politikaren arduraduna den Annika Vogt-en hitzaldi bat Countdown 2010 ekimenaren inguruan
• mustelido erdiurtarren kontserbazioari buruzko jardunaldi teknikoak UPV/EHUko Farmazia Fakultatean
• UNESCOren Gizakia eta Biosfera programaren espezialista nagusi ohia den John Celecia aditu beteranoaren hitzaldia hiri biodibertsitatearen inguruan
• ibilbide botanikoa Salburuko parkean zehar, botanikan aditua den Jaime Ortíz de Urbinaren eskutik
• saguzaharrei buruzko hitzaldia eta haiek hurbilagotik ezagutzeko ibilbide zoologikoa, gai honetan aditua den Juan Tomás Alcalderen eskutik. Pertsona hau Saguzaharren Kontserbazio eta Ikerketarako Espainiako Elkartearen kidea da