Datozen bi ikasturteetako Eskolako Agenda 21ak eskolako mugikortasun aktibo eta autonomoa landuko du
Eskolako Agenda 21ek oinarrizko hiru osagai dauzka: ikastetxearen eta bere ingurunearen ingurumen iraunkortasuna, kurrikulumaren berrikuntza eta komunitatearen parte-hartzea. Vitoria-Gasteizen ekimen hau 2001-2002 ikasturtean jarri zen abian lehen aldiz.
Datozen bi ikasturteetan Eskolako Agenda 21ak mugikortasunaren alorra landuko du. Zehazki, ikasle, irakasle zein gurasoek ikastetxerako joan-etorriak egitean mugikortasun aktibo eta autonomoa gara dezaten bilatuko du. Programa horren bidez espazio publikoa aldatu nahi da, hiriaren eta haurren artean dagoen harremanaren pertzepzio kolektiboa moldatu nahi da, eta haurrek hezi nahi dira hurbilean duten inguruneaz jabe daitezen eta haien autonomia mugatzen duten oztopoak ken daitezen.
2014ko Mugikortasun Iraunkorraren Astearen barruan hainbat ekitaldi egingo dira proiektu horri lotuta:
- Irailaren 18:
- 10:00-13:30: Jardunaldia ikastetxerako joan-etorrietan mugikortasun aktiboa eta autonomiaduna erabiltzearen inguruan, CENEAMen, GEA21en eta hiriko ikastetxeetako ordezkariekin.
- 19:00-20:30: Hiri Ekologiaren Gela: Mugikortasun aktiboa eta autonomiaduna ikastetxerako joan-etorrietan.
- Irailaren 22: Eskolako txirrindularien martxa hirian barrena, autorik gabeko egunaren markoan.
