Comportamiento ciclista en la ciudad de Vitoria-Gasteiz

Bizikleta bidezko mugikortasunari dagokionez, kexarik errepikatuenetako bat da bizikleta erabiltzen duten pertsonek ez dutela diziplinarik hiri barruko joan-etorrietan. Arazo aipatuenak bi izan ohi dira: txirrindulariek oinezkoen espazioetan (espaloietan eta oinezkoentzako kaleetan) gehiegizko abiadura eta maniobra arriskutsuak egitea, eta zirkulazio-seinaleak ez betetzea, batez ere semaforoak, txirrindularia galtzadatik zirkulatzen ari denean.

Azterketa multzo honek txirrindularien diziplinarik eza du ardatz, eta alde batera uzten ditu beste mugikortasun-agente batzuek, hala nola oinezkoek edo gidariek, txirrindularien espazio esklusiboan (bizikleta-bideak) zein bide publikoko beste espazio batzuetan dituzten portaera desegokiak. Beraz, azterlan partziala da, eta komenigarria litzateke oinezkoen, ibilgailu motordunen edo beste garraiobide batzuen portaera-analisiekin osatzea.

Bizikletan portaeraren alderdi nabarienetan bakarrik ezaugarritzen saiatu gara, semaforo bat saltatzea edo espaloitik zirkulatzea kasu, eta jokabide subjektiboagoak eta zehazten zailagoak erregistratzea saihestu dugu, hala nola txirrindulariak espaloitik duen portaera "arriskutsua".