CEAk Zabalganako bizitegi-zabalguneko bide perimetrala birmoldatzea proposatu du

CEAk, XXI Zabalgunearekin elkarlanean, Zabalganako bizitegi-zabalgune berriko bide perimetralak, Zabalganako parkearen ondokoak, birmoldatzeko proposamena aurkeztu du.

Hiriak mendebaldeko bazterrean hartu duen egitura dela-eta, derrigorrezkoa da inguruneko parke hori itxuraldatzea. Proposamen berriaren arabera, parkeak sarrera berria izango du eta zabalgune berrietako parke-sarearekin lotuta egongo da.